موبائل فون کیمرے کے کارآمد استعمال

ہم میں سے بیشتر لوگوں کا خیال ہے کہ ہمارے موبائل فون کا کیمرہ صرف ہماری اور دوسروں کی تصویریں لینے کے کام آسکتا ہے۔ اگرچہ کیمرہ یہ کام تو کرتا ہی ہے، لیکن آج ہم آپ کو موبائل فون کے کیمرے کے استعمال کے وہ کارآمد طریقے بتائیں گے، جن کے بارے میں کبھی آپ نے سوچا بھی نہیں ہوگا:

٭: اپنی دوائوں کی تصویر کھینچیں، تاکہ جب آئندہ آپ ڈاکٹر کے پاس جائیں ،تو نام یاد کرنے کا مشکل مرحلہ آسان ہوجائے۔

٭:مالز میں لگے ہوئے نقشوں کی تصویر لے لیں تاکہ آپ کو بار بار نقشہ دیکھنے کی ضرورت نہ پڑے بلکہ جب بھی کسی جگہ تک پہنچنا ہو تو فوراً موبائل میں محفوظ نقشے کی تصویر دیکھ کر منزل تک پہنچ جائیں۔

٭: ریستوران میں مینیوکی تصویر لے کر ان دوستوں کو بھیجیں جو ابھی وہاں نہیں پہنچے اور اس تصویر کی مدد سے ان سے پوچھ لیں کہ کھانے کے لیے کیا آرڈر دینا ہے تاکہ وقت ضائع نہ ہو۔

٭: کسی بھی کپڑے کی دکان میں کپڑے ٹرائی کرکے خود کی تصویریں لے لیں تا کہ آپ آسانی سے یہ فیصلہ کرسکیں کہ کن کپڑوں میں آپ زیادہ اچھے نظر آرہے ہیں۔

٭: اگر آپ نے کسی ایسی جگہ گاڑی پارک کی ہے، جہاں بہت ساری گاڑیاں موجود ہوں، تو اپنی گاڑی کی قریبی جگہ کی تصویریں کھینچ لیں تاکہ گاڑی تلاش کرنے میں آسانی ہو۔

٭: اپنے بٹوے کو کھول کر بھی اس کی تصویر لیجیے تاکہ چوری ہونے کی صورت میں آپ کو یاد ہو کہ اس میں کیا کیا چیزیں موجود تھیں۔

٭: اپنی پسندیدہ ترکیب کے اجزا کی لسٹ کی بھی تصویر کھینچ سکتے ہیں تاکہ جب بھی خریداری کی غرض سے بازار جائیں، تو آپ کو وقت پر تمام اجزاء کے بارے میں یاد رہے اور کوئی بھی چیز رہ نہ جائے۔

٭: اپنے شناختی کارڈ اور پاسپورٹ کی بھی تصویر لے لیں تاکہ کسی بھی ایمرجنسی کی صورت میں اصل کی بجائے ان کی تصاویر سے بھی کام چل جائے۔

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s