“میں دھشت گرد ہوں”…لاہور بم دھماکے میں زندگی کی بازی ہارنے والے محمد یوسف کے نام

لاہور بم دھماکے میں
زندگی کی بازی ہارنے والے
محمد یوسف کے نام
عطاء الحق قاسمی 
کا کالم بعنوان
“میں دھشت گرد ہوں”
ﻣﯿﮟ ﺍﯾﮏ ﻏﯿﺮ ﻣﻠﮑﯽ ﺍﯾﺌﺮﻻﺋﻦ ﻣﯿﮟ ﮨﯿﻮﺳﭩﻦ ﺳﮯ ﭘﯿﺮﺱ ﮐﮯ ﻟﯿﮯ ﺭﻭﺍﻧﮧ ﮨﻮﺍ ﺗﻮ ﺟﮩﺎﺯ ﻣﯿﮟ ﺩﺍﺧﻞ ﮨﻮﺗﮯ ﮨﯽ ﻣﺠﮭﮯ ﺍﺣﺴﺎﺱ ﮨﻮﺍ ﮐﮧ ﻣﯿﮟ ﻣﺴﺎﻓﺮﻭﮞ ﻣﯿﮟ ﺍﮐﯿﻼ ﭘﺎﮐﺴﺘﺎﻧﯽ ﮨﻮﮞ۔ ﻣﯿﮟ ﻧﮯ ﺍﭘﻨﺎ ﮨﯿﻨﮉ ﺑﯿﮓ ﺳﺎﻣﺎﻥ ﻭﺍﻟﮯ ﺑﺎﮐﺲ ﻣﯿﮟ ﺭﮐﮭﺎ ﺍﻭﺭ ﺍﭘﻨﯽ ﺁﺭﺍﻡ ﺩﮦ ﻧﺸﺴﺖ ﭘﺮ ﺩﺭﺍﺯ ﮨﻮﮔﯿﺎ۔ ﺍﯾﺌﺮﮨﻮﺳﭩﺲ ﻧﮯ ﺍﻭﺭﯾﻨﺞ ﺟﻮﺱ ﮐﺎ ﮔﻼﺱ ﻧﺸﺴﺖ ﮐﮯ ﺳﺎﺗﮫ ﺑﻨﯽ ﻣﺨﺼﻮﺹ ﺟﮕﮧ ﭘﺮ ﺭﮐﮫ ﺩﯾﺎ ﺗﮭﺎ ﺍﻭﺭ ﺍﺏ ﻭﮦ ﺩﻭﺳﺮﮮ ﻣﺴﺎﻓﺮﻭﮞ ﮐﻮ ﺳﺮﻭ ﮐﺮ ﺭﮨﯽ ﺗﮭﯽ۔
ﻣﺴﻠﺴﻞ ﺍﯾﮏ ﻣﺎﮦ ﮐﯽ ﺗﮭﮑﻦ ﻣﺠﮫ ﭘﺮ ﺳﻮﺍﺭ ﺗﮭﯽ ﭼﻨﺎﻧﭽﮧ ﮐﭽﮫ ﮨﯽ ﺩﯾﺮ ﺑﻌﺪ ﻣﺠﮫ ﭘﺮ ﻏﻨﻮﺩﮔﯽ ﺳﯽ ﻃﺎﺭﯼ ﮨﻮﻧﮯ ﻟﮕﯽ، ﻣﮕﺮ ﺍﭼﺎﻧﮏ ﺍﯾﮏ ﺧﯿﺎﻝ ﻧﮯ ﻣﯿﺮﯼ ﻧﯿﻨﺪ ﺍﮌﺍ ﺩﯼ۔ ﻣﯿﮟ ﻧﮯ ﺳﻮﭼﺎ ﮐﮧ ﭼﻮﻧﮑﮧ ﺍﺱ ﺟﮩﺎﺯ ﻣﯿﮟ ﺳﻔﺮ ﮐﺮﻧﮯ ﻭﺍﻻ ﻣﯿﮟ ﺍﮐﯿﻼ ﭘﺎﮐﺴﺘﺎﻧﯽ ﮨﻮﮞ۔ ﻟﮩٰﺬﺍ ﺍﮔﺮ ﺩﻭﺭﺍﻥِ ﭘﺮﻭﺍﺯ ﺍﺳﮯ ’’ ﮐﭽﮫ ‘‘ ﮨﻮﮔﯿﺎ ﺍﻭﺭ ﺳﺎﺭﮮ ﻣﺴﺎﻓﺮﻭﮞ ﺳﻤﯿﺖ ﻣﯿﮟ ﻣﺎﺭﺍ ﮔﯿﺎ ﺗﻮ ﺍﮔﻠﮯ ﮨﯽ ﺭﻭﺯ ﺩﻧﯿﺎ ﺑﮭﺮ ﮐﮯ ﺍﺧﺒﺎﺭﻭﮞ ﮐﯽ ﺳﺮﺧﯿﺎﮞ ﮨﻮﮞ ﮔﯽ :
’’ ﺩﮨﺸﺖ ﮔﺮﺩﯼ ﮐﮯ ﻧﺘﯿﺠﮯ ﻣﯿﮟ ﺟﮩﺎﺯ ﻓﻀﺎ ﻣﯿﮟ ﺗﺒﺎﮦ ﮨﻮﮔﯿﺎ، ﺩﻭﺳﺮﮮ ﻣﺴﺎﻓﺮﻭﮞ ﮐﮯ ﺳﺎﺗﮫ ﺧﻮﺩﮐﺶ ﭘﺎﮐﺴﺘﺎﻧﯽ ﺑﻤﺒﺎﺭ ﺑﮭﯽ ﮨﻼﮎ ‘‘ ۔
ﺍﺱ ﺧﺒﺮ ﮐﮯ ﺳﺎﺗﮫ ﻣﯿﺮﮮ ﺩﮨﺸﺖ ﮔﺮﺩ ﮨﻮﻧﮯ ﮐﮯ ﺑﮩﺖ ﺳﮯ ﺛﺒﻮﺕ ﺑﮭﯽ ﭘﯿﺶ ﮐﯿﮯ ﺟﺎﺋﯿﮟ ﮔﮯ۔ ﻣﺜﻼً ﺟﮩﺎﺯ ﮐﮯ ﺗﺒﺎﮦ ﺷﺪﮦ ﻣﻠﺒﮯ ﺳﮯ ﺩﮨﺸﺖ ﮔﺮﺩ ﮐﺎ ﺻﺤﯿﺢ ﺳﻼﻣﺖ ﭘﺎﺳﭙﻮﺭﭦ ﺑﺮﺁﻣﺪ ﮨﻮﺍ۔ ﮨﯿﻮﺳﭩﻦ ﺍﯾﺌﺮﭘﻮﺭﭦ ﭘﺮ ﻧﺼﺐ ﮐﯿﻤﺮﻭﮞ ﺳﮯ ﭘﺘﮧ ﭼﻼ ﮨﮯ ﮐﮧ ﺩﮨﺸﺖ ﮔﺮﺩ ﺑﻮﺭﮈﻧﮓ ﮐﺎﺭﮈ ﻟﯿﻨﮯ ﮐﮯ ﺑﻌﺪ ﺩﻭ ﺗﯿﻦ ﺩﻓﻌﮧ ﺑﮯ ﭼﯿﻨﯽ ﮐﮯ ﻋﺎﻟﻢ ﻣﯿﮟ ﺑﺮﯾﻔﻨﮓ ﻻﺅﻧﺞ ﺳﮯ ﺑﺎﮨﺮ ﻧﮑﻼ ﺍﻭﺭ ﺳﮕﺮﯾﭧ ﻧﻮﺷﯽ ﮐﺮﺗﺎ ﺭﮨﺎ۔ ﺍﺳﮯ ﺩﻭ ﭘﺎﮐﺴﺘﺎﻧﯽ ﺍﻟﻮﺩﺍﻉ ﮐﮩﻨﮯ ﺁﺋﮯ ﺗﮭﮯ ﺟﻦ ﮐﮯ ﺣﻠﯿﮯ ﺩﮨﺸﺖ ﮔﺮﺩﻭﮞ ﺟﯿﺴﮯ ﺗﮭﮯ، ﻭﮦ ﺍﻥ ﮐﮯ ﺳﺎﺗﮫ ﮐﮭﺴﺮ ﭘﮭﺴﺮ ﮐﺮﺗﺎ ﺭﮨﺎ۔
ﻣﻠﺰﻡ ﮐﮯ ﺩﮨﺸﺖ ﮔﺮﺩ ﮨﻮﻧﮯ ﮐﮯ ﺣﻮﺍﻟﮯ ﺳﮯ ﮐﭽﮫ ﺍﻭﺭ ﭨﮭﻮﺱ ﺑﮭﯽ ﻣﻠﮯ ﮨﯿﮟ، ﺟﻦ ﻣﯿﮟ ﺳﮯ ﺍﯾﮏ ﯾﮧ ﮨﮯ ﮐﮧ ﺍﺳﮯ ﻣﺘﻌﺪﺩ ﻣﺮﺗﺒﮧ ﺍﯾﮏ ﺩﯾﻨﯽ ﻣﺪﺭﺳﮯ ﮐﮯ ﺳﺎﻣﻨﮯ ﺳﮯ ﮔﺰﺭﺗﮯ ﮨﻮﺋﮯ ﺩﯾﮑﮭﺎ ﮔﯿﺎ۔ ﺍﮔﺮﭼﮧ ﯾﮧ ﻣﺪﺭﺳﮧ ﺍﺱ ﮐﮯ ﺩﻓﺘﺮ ﮐﮯ ﺭﺍﺳﺘﮯ ﻣﯿﮟ ﺁﺗﺎ ﺗﮭﺎ، ﺗﺎﮨﻢ ﻭﮦ ﺩﻓﺘﺮ ﺟﺎﻧﮯ ﮐﮯ ﻟﯿﮯ ﮐﻮﺋﯽ ﺩﻭﺳﺮﺍ ﺭﺍﺳﺘﮧ ﺑﮭﯽ ﺗﻼﺵ ﮐﺮ ﺳﮑﺘﺎ ﺗﮭﺎ۔ ﺍﺱ ﻧﮯ ﮐﺴﯽ ﺯﻣﺎﻧﮯ ﻣﯿﮟ ﭼﮭﻮﭨﯽ ﺳﯽ ﺩﺍﮌﮬﯽ ﺑﮭﯽ ﺭﮐﮭﯽ ﺗﮭﯽ ﺟﻮ ﺩﻭ ﮨﻔﺘﮯ ﺑﻌﺪ ﻣﻨﮉ ﻭﺍ ﺩﯼ ﮐﮧ ﺍﺱ ﺳﮯ ﺧﺎﺭﺵ ﮨﻮﺗﯽ ﺗﮭﯽ۔ ﺍﺳﮯ ﺍﮐﺜﺮ ﻟﻮﮔﻮﮞ ﻧﮯ ﻋﯿﺪ ﮐﯽ ﻧﻤﺎﺯ ﺑﮭﯽ ﭘﮍﮬﺘﮯ ﮨﻮﺋﮯ ﺩﯾﮑﮭﺎ ﮨﮯ۔ ﺍﯾﮏ ﺑﮍﺍ ﺛﺒﻮﺕ ﯾﮧ ﮨﮯ ﮐﮧ ﺍﺱ ﻧﮯ ﺍﭘﻨﮯ ﺣﺎﻟﯿﮧ ﺳﻔﺮ ﮐﮯ ﺩﻭﺭﺍﻥ ﺍﭘﻨﺎ ﺍﯾﮏ ﺭﻭﭦ ﺑﮭﯽ ﺗﺒﺪﯾﻞ ﮐﺮﺍﯾﺎ ﺗﮭﺎ ﺟﺲ ﮐﯽ ﺗﻔﺼﯿﻼﺕ ﺳﮯ ﭘﺘﮧ ﭼﻼ ﮨﮯ ﮐﮧ ﺍﺱ ﻧﮯ ﭘﮩﻠﮯ ﭘﯿﺮﺱ ﺳﮯ ﻧﯿﻮﯾﺎﺭﮎ ﺍﻭﺭ ﻧﯿﻮﯾﺎﺭﮎ ﺳﮯ ﭨﻮﺭﻧﭩﻮ ﺟﺎﻧﺎ ﺗﮭﺎ۔ ﻣﮕﺮ ﻭﮦ ﭘﯿﺮﺱ ﺳﮯ ﺳﯿﺪﮬﺎ ﭨﻮﺭﻧﭩﻮ ﮔﯿﺎ ﺍﻭﺭ ﭘﮭﺮ ﭨﻮﺭﻧﭩﻮ ﺳﮯ ﻧﯿﻮﯾﺎﺭﮎ ﺁﯾﺎ۔
ﻣﯿﮟ ﻧﮯ ﺳﻮﭼﺎ ﮐﮧ ﻣﯿﺮﮮ ﺩﮨﺸﺖ ﮔﺮﺩ ﮨﻮﻧﮯ ﮐﮯ ﺣﻮﺍﻟﮯ ﺳﮯ ﺍﺗﻨﮯ ﭨﮭﻮﺱ ﺷﻮﺍﮨﺪ ﮐﯽ ﻣﻮﺟﻮﺩﮔﯽ ﻣﯿﮟ ﻣﺘﻌﺪﺩ ﻣﻠﮑﻮﮞ ﻣﯿﮟ ﭘﺎﮐﺴﺘﺎﻧﯿﻮﮞ ﮐﮯ ﺧﻼﻑ ﮐﺮﯾﮏ ﮈﺍﺅﻥ ﮐﺎ ﻋﻤﻞ ﺷﺮﻭﻉ ﮨﻮ ﺟﺎﺋﮯ ﮔﺎ۔ ﺍﺱ ﮐﮯ ﻋﻼﻭﮦ ﭘﺎﮐﺴﺘﺎﻥ ﻣﯿﮟ ﻣﯿﺮﮮ ﺩﻭﺳﺖ ﺣﯿﺮﺕ ﺳﮯ ﺍﯾﮏ ﺩﻭﺳﺮﮮ ﺳﮯ ﮐﮩﯿﮟ ﮔﮯ :
’’ ﯾﺎﺭ ﻭﮦ ﺍﯾﺴﺎ ﻟﮕﺘﺎ ﺗﻮ ﻧﮩﯿﮟ ﺗﮭﺎ، ﻣﮕﺮ ﺍﻧﺴﺎﻥ ﮐﺎ ﮐﯿﺎ ﭘﺘﮧ؟ ‘‘
ﭘﺎﮐﺴﺘﺎﻧﯽ ﺣﮑﻮﻣﺖ ﺍﺱ ﺣﻮﺍﻟﮯ ﺳﮯ ﺍﭨﮭﻨﮯ ﻭﺍﻟﮯ ﺑﯿﻦ ﺍﻻﻗﻮﺍﻣﯽ ﭘﺮﺍﭘﯿﮕﻨﮉﮮ ﭘﺮ ﺍﭘﻨﺎ ﺍﺣﺘﺠﺎﺝ ﺭﯾﮑﺎﺭﮈ ﮐﺮﺍﺋﮯ ﮔﯽ ﮐﮧ ﯾﮧ ﺩﮨﺸﺖ ﮔﺮﺩ ﮐﺎ ﺫﺍﺗﯽ ﻓﻌﻞ ﺗﮭﺎ۔ ﻟﮩٰﺬﺍ ﺍﺱ ﮐﯽ ﻣﺬﻣﻮﻡ ﮐﺎﺭﺭﻭﺍﺋﯽ ﮐﻮ ﭘﺎﮐﺴﺘﺎﻥ ﯾﺎ ﺍﺳﻼﻡ ﮐﮯ ﮐﮭﺎﺗﮯ ﻣﯿﮟ ﻧﮧ ﮈﺍﻻ ﺟﺎﺋﮯ۔ ﺍﺱ ﮐﮯ ﺳﺎﺗﮫ ﻣﯿﺮﮮ ﺑﯿﻮﯼ ﺑﭽﻮﮞ ﮐﻮ ﺣﺮﺍﺳﺖ ﻣﯿﮟ ﻟﮯ ﻟﯿﺎ ﺟﺎﺋﮯ ﮔﺎ۔ ﮐﻮﺋﯽ ﭘﺘﮧ ﻧﮩﯿﮟ ﺍﻣﺮﯾﮑﮧ ﮐﮯ ﺣﻮﺍﻟﮯ ﮐﺮ ﺩﯾﺎ ﺟﺎﺋﮯ۔ ﻭﺳﯿﻊ ﭘﯿﻤﺎﻧﮯ ﭘﺮ ﭘﮑﮍ ﺩﮬﮑﮍ ﺑﮭﯽ ﮨﻮﮔﯽ ﺍﻭﺭ ﯾﻮﮞ ﯾﮧ ﺗﺴﻠﯿﻢ ﮐﺮ ﻟﯿﺎ ﺟﺎﺋﮯ ﮔﺎ ﮐﮧ ﺩﮨﺸﺖ ﮔﺮﺩﯼ ﻣﯿﮟ ﻧﮯ ﮨﯽ ﮐﯽ ﮨﮯ۔
ﺍﻥ ﺧﻮﻓﻨﺎﮎ ﺧﯿﺎﻻﺕ ﮐﮯ ﻧﺘﯿﺠﮯ ﻣﯿﮟ ﻣﯿﺮﯼ ﻧﯿﻨﺪ ﺑﺎﻟﮑﻞ ﮨﯽ ﮨﻮﺍ ﮨﻮﮔﺌﯽ۔ ﭼﻨﺎﻧﭽﮧ ﻣﯿﮟ ﻧﮯ ﺧﻮﺩ ﮐﻮ ﺗﺴﻠﯽ ﺩﯾﻨﮯ ﮐﮯ ﻟﯿﮯ ﺍﭘﻨﯽ ﺳﻮﭺ ﮐﻮ ﻣﺜﺒﺖ ﺑﻨﺎﻧﮯ ﮐﯽ ﮐﻮﺷﺶ ﮐﯽ۔ ﻣﯿﮟ ﻧﮯ ﺳﻮﭼﺎ ﮐﮧ ﺍﻥ ﺑﮯ ﮨﻮﺩﮦ ﻗﺴﻢ ﮐﮯ ﻣﻔﺮﻭﺿﻮﮞ ﮐﮯ ﻧﺘﯿﺠﮯ ﻣﯿﮟ ﺩﻧﯿﺎ ﻣﺠﮭﮯ ﺩﮨﺸﺖ ﮔﺮﺩ ﮐﯿﺴﮯ ﻗﺮﺍﺭ ﺩﮮ ﺳﮑﺘﯽ ﮨﮯ۔ ﺍﯾﺴﯽ ﺍﻟﺰﺍﻡ ﺗﺮﺍﺷﯽ ﭘﺮ ﺳﻨﺠﯿﺪﮦ ﻃﺒﻘﮯ ﺍﭘﻨﯽ ﺣﮑﻮﻣﺘﻮﮞ ﺳﮯ ﯾﮧ ﻧﮩﯿﮟ ﮐﮩﯿﮟ ﮔﮯ ﮐﮧ ﮐﺴﯽ ﮐﺎ ﺟﺮﻡ ﺛﺎﺑﺖ ﮨﻮﻧﮯ ﺳﮯ ﭘﮩﻠﮯ ﺍﺳﮯ ﻣﺠﺮﻡ ﮐﯿﻮﮞ ﻗﺮﺍﺭ ﺩﯾﺎ ﺟﺎ ﺭﮨﺎ ﮨﮯ؟ ﻣﮕﺮ ﻣﯿﺮﯼ ﯾﮧ ﺳﻮﭺ ﻋﺎﺭﺿﯽ ﺛﺎﺑﺖ ﮨﻮﺋﯽ ﮐﯿﻮﻧﮑﮧ ﻣﺠﮭﮯ ﯾﺎﺩ ﺁﯾﺎ ﮐﮧ ﻧﺎﺋﻦ ﺍﻟﯿﻮﻥ ﺍﻭﺭ ﺳﯿﻮﻥ ﺳﯿﻮﻥ ﮐﮯ ’’ ﻣﻠﺰﻣﻮﮞ ‘‘ ﮐﻮ ﺍﮔﺮ ﺩﻧﯿﺎ ﻧﮯ ﺑﻐﯿﺮ ﮐﺴﯽ ﻋﺪﺍﻟﺘﯽ ﮐﺎﺭﺭﻭﺍﺋﯽ ﮐﮯ ’’ ﻣﺠﺮﻡ ‘‘ ﺗﺴﻠﯿﻢ ﮐﺮ ﻟﯿﺎ ﮨﮯ ﺗﻮ ﻣﯿﺮﮮ ﺳﻠﺴﻠﮯ ﻣﯿﮟ ﻭﮦ ﺍﻧﺼﺎﻑ ﮐﮯ ﺗﻘﺎﺿﮯ ﭘﻮﺭﮮ ﮐﯿﻮﮞ ﮐﯿﮯ ﺟﺎﺋﯿﮟ ﮔﮯ؟
ﻣﯿﺮﮮ ﺍﻥ ﺧﯿﺎﻻﺕ ﻧﮯ ﻣﺠﮭﮯ ﺩﻭﺑﺎﺭﮦ ﻣﺎﯾﻮﺳﯽ ﮐﮯ ﭘﺎﺗﺎﻝ ﻣﯿﮟ ﺩﮬﮑﯿﻞ ﺩﯾﺎ۔ ﺍﺏ ﻣﯿﺮﮮ ﭘﺎﺱ ﺍﺱ ﮐﮯ ﺳﻮﺍ ﮐﻮﺋﯽ ﭼﺎﺭﮦ ﻧﮩﯿﮟ ﺗﮭﺎ ﮐﮧ ﺍﭘﻨﮯ ﺍﻟﻠﮧ ﺳﮯ ﻣﺪﺩ ﻣﺎﻧﮕﻮﮞ۔ ﭼﻨﺎﻧﭽﮧ ﻣﯿﮟ ﻧﮯ ﺁﻧﮑﮭﯿﮟ ﺑﻨﺪ ﮐﺮ ﮐﮯ ﺍﯾﮏ ﺩﻭ ﻋﺮﺑﯽ ﺩﻋﺎﺅﮞ ﮐﮯ ﺳﺎﺗﮫ ﺍﻟﻠﮧ ﺳﮯ ﺩﻋﺎ ﮐﯽ ﮐﮧ ﯾﺎ ﺭﺏ ! ﺍﺱ ﺟﮩﺎﺯ ﮐﻮ ﺑﺨﯿﺮ ﻭ ﻋﺎﻓﯿﺖ ﺍﺱ ﮐﯽ ﻣﻨﺰﻝ ﺗﮏ ﭘﮩﻨﭽﺎ۔ ﺗﺎﮨﻢ ﻣﯿﮟ ﻧﮯ ﯾﮧ ﻋﺮﺑﯽ ﺩﻋﺎﺋﯿﮟ ﺩﻝ ﮨﯽ ﺩﻝ ﻣﯿﮟ ﭘﮍﮬﯽ ﺗﮭﯿﮟ، ﺍﮔﺮ ﺍﻭﻧﭽﯽ ﺁﻭﺍﺯ ﻣﯿﮟ ﭘﮍﮬﺘﺎ ﺗﻮ ﺩﻭﺳﺮﮮ ﻣﺴﺎﻓﺮﻭﮞ ﮐﮯ ﻋﻼﻭﮦ ﺧﻮﺩ ﻣﺠﮭﮯ ﺑﮭﯽ ﯾﻘﯿﻦ ﺁﺟﺎﻧﺎ ﺗﮭﺎ ﮐﮧ ﻣﯿﮟ ﺩﮨﺸﺖ ﮔﺮﺩ ﮨﻮﮞ۔

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s